Plantun de Prouvènço

Pèr coumpara dos planto d'encò nostre

Agrostemma githago & Valerianella dentata

Niello

Agrostemma githago

Caryophyllaceae

Àutri noum : Courouno-di-blad, Pebreto, Barbudo, Nialo, Aniello.

Noms en français : Nielle, Nielle des blés.

Descripcioun :
Erbo pulèu grando que trachis dins li blad e que fai de poulìdi flour roso.

Usanço :
Li grano de niello soun empouisounanto, ço que dounavo, à passa tèms (avans la criblo di gran), de farino qu'èron pas manjadisso (farino nielado). Pèr acò la nielo èro levado di champ avans o dóu tèms di meissoun : "Iéu me rapelle que me mandavo moun pèro, ère pichouno ! -Vai ciéucla un pau aquéu caire de blad -De que fau leva ? - De nielo", me disié ! O peréu : "Meissounavian l'espéuto à la fauciho, e levavian aquéli planto que i'avié dedins... La nielo fasié de grano negro" (G. Gabinel e J. Chapus in O. Madon, op. cit., p. 127).

Port : Grando erbo
Taio : 0,3 à 1 m
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Agrostemma
Famiho : Caryophyllaceae

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Champ de cerealo

Liò : Champ - Meissoun
Estànci : Mesoumediterran à Mountagnard
Couroulougi : Pancaro entresigna
Ref. sc. : Agrostemma githago L., 1753

Ampouleto

Valerianella dentata

Caprifoliaceae Valerianaceae

Àutri noum : Grasseto, Greisseto.

Noms en français : Doucette dentée, Mâche dentée.

Descripcioun :
L'ampouleto, mens coumuno que si cousino li grasseto, trachis dins li champ cultiva. Se tèn bèn drecho e porto gaire de fueio. Se destrìo dis àutri Valerianella, majamen emé si fru, que soun de dous biais : siegue en formo de pero emé uno pichoto courouno (V. dentata -vèire lou dessin-), siegue coum'uno tino emé uno pouncho mai grosso (V. rimosa -vèire lou dessin e li fotò-).

Usanço :
S'acampo en rouseto e se manjo coume ensalado champanello.

Port : Erbo
Taio : Pancaro entresigna
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Valerianella
Famiho : Caprifoliaceae
Famiho classico : Valerianaceae

Ordre : Dipsacales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Ensalado champanello

Liò : Champ - Tepiero - Ribiero
Estànci : Termoumediterran à Mountagnard
Couroulougi : Pancaro entresigna
Ref. sc. : Valerianella dentata (L.) Pollich, 1776

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Agrostemma githago & Valerianella dentata

ges

Coumpara Niello emé uno autro planto

Coumpara Ampouleto emé uno autro planto